Proçesso de produçion
E prie preçiose scintetiche vëgnan produte inte di ambienti de travaggio ò de laboratöio controllæ, con imitâ e condiçioin de formaçion de prie preçiose naturale ò con deuviâ di atri metodi chimichi e fixichi. Sto proçesso o l'é do tutto despægio da-o proçesso de formaçion naturale de prie preçiose inta crosta da Tæra pe di mioin d'anni.
Compoxiçion chimica e propietæ fixiche
Sciben che e prie preçiose scintetiche en fæte da l'òmmo, a seu compoxiçion chimica e a seu struttua de cristallo s'assumeggian ben ben à quelle de prie preçiose naturale. Donca, e seu propietæ ottiche e fixiche s'assumeggian ben ben ascì à quelle de prie preçiose natuæ, che ê rendan diffiçile da distingue da-e prie preçiose natuæ pe mezo de unna sencia osservaçion.
Uxi e produçion commerciale
Tanto che tante prie preçiose en stæte scintetizzæ con successo inti laboratöi, solo pöche vëgnan produte pe commercio. A ciù parte de prie preçiose scintetiche vëgnan deuviæ inte applicaçioin de reçerca industriale e scientifica, comme inta produçion de dispoxitivi òttichi, laser e atri produti high-tech.
Caratteristiche d’identificaçion
Apreuvo a-i seu despægi proçesci de formaçion, e prie preçiose scintetiche peuan differî da-e prie natuæ pe forma, cô e incluxoin. Comme exempio, o corundo scintetizzou pe fuxon de sciamma o peu avei de linie de crescita curve e unna distribuçion de cô despægia. Pe de ciù, e incluxoin inte prie preçiose scintetiche en despæge da quelle inte prie preçiose naturale; ste differense peuan ëse osservæ e identificæ con deuviâ di strumenti comme de luppe ò di microscòppi.
